前两日记者经过增槎路口，见到呢度新开咗间茶叶城，搞紧茶文化节，仲同区政府牵头嘅新春年货购物节合作卖埋年货添。

记者觉得比较特别嘅系啲茶叶工艺品——将茶叶压制成摆设品，用红木包装，有“福、禄、寿”字样嘅，有下山猛虎图案嘅，仲有做成屏风、挂画咁样嘅。压制到有深有浅，图案好有质感，仲有清香添。“还真的是中等普洱茶叶来的，完全可以敲下来泡的呢！”云南妹店员官小姐介绍，仲指住最大嗰件工艺品讲，“这件‘大展宏图’，3800块，是用20多斤重的上等普洱茶叶做成的……”

据悉茶文化节会一路开到2月6号，地址就喺罗冲围客运站斜对面嘅九州茶博城。